Պենետիկտոս ԺԶ Սրաբազան Քահանայապետին Գործունէութիւնը։

Քահանայապետական Անուանում

Պենետիկտոս ԺԶ սրաբազան Քահանայապետը ընդունելով ֆրանսայի Սէն Պրիէօքի Եպիսկոպոս Գերապայծառ Լիւսիէն ֆրիւշոյի ներկայացուցած հրաժարականը (յառաջացած տարիքի համար) անոր տեղ անուանեց Գերապայծառ Տէնիս Մութէլը որ մինչեւ օրս Նանդ քաղաքի Եպիսկոպոսի տեղակալն էր։

Գերապայծառ Տէնիս Մութէլը ծնած է 6 յունուար 1952ին։ Քահանայ ձեռնադրուած է 1977ին։ Պաշտօնավարած է եկեղեցական եւ առաքելական այլ մարզերու մէջ եւ 2004 էն ի վեր կը վարէր Նանդ քաղաքի Եպիսկոպոսի տեղակալի պաշտօնը ։