Հայաստանի Մէջ 2009-2010 Ուսումնական Տարեշրջանին Գործած Է 222 Արուեստի Կեդրոն Եւ Դպրոց։
Հայաստանի մէջ 2009-2010 ուսումնական տարեշրջանին գործած են երաժշտական, արուեստի, գեղարուեստի
եւ մանկապատանեկան ստեղծագործական 222 դպրոցներ եւ կեդրոններ, որոնցմէ 45-ը՝ Երեւանի
մէջ, մնացեալը՝ Հայաստանի մարզերուն մէջ։
Մայրաքաղաքին մէջ գործող դպրոցներէն
12-ը գտնուած են քաղաքապետարանի, 32-ը՝ թաղապետարաններուն, իսկ մէկը՝ Հայաստանի կրթութեան
եւ գիտութեան նախարարութեան հովանաւորութեան տակ։ 2009-2010 ուսումնական տարեշրջանին
մայրաքաղաքին մէջ գործող 45 դպրոցներէն 16-ը երաժշտական է, 9-ը՝ արուեստի, 1-ը՝ գեղարուեստի,
իսկ 19-ը՝ մանկապատանեկան ստեղծագործական։
Արարատի մարզին մէջ գործած են 22
դպրոցներ, որոնցմէ 11-ը՝ երաժշտական, 4-ը՝ արուեստի, 3-ը՝ գեղարուեստի եւ 4-ը մանկապատանեկան
ստեղծագործական կեդրոն։ 25 դպրոց գործած է Կոտայքի մարզին մէջ, 26՝ Շիրակի, 19՝ Սիւնիքի,
17՝ Գեղարքունիքի եւ Տաւուշի։
Ընդհանուր հաշուարկով, Հայաստանի 222 դպրոցներէն
եւ կեդրոններէն 102-ը երաժշտական թեքումով են, 65-ը՝ արուեստի, 21-ը՝ գեղարուեստի եւ
34-ը՝ մանկապատանեկան ստեղծագործական։