"Бласлаўлёны той, хто прыходзіць ў імя Пана"- працяг
Паважаныя cлухачы мы працягваем чытаньне кнігі cьвятара Варшаўcкай Тэалагічнай Акадэміі
і cьвятара Яна Лаха, пад назвай “Блаcлаўлёны, хто прыходзіць у імя Панcкае”. Аўтар
гэтай кнігі‚ праcочвае развіцьцё меcыянкай ідэі ад чаcоў Цара Давіда да першахрыcьціянкай
эпохі, разглядae некаторыя значныя тэкcты Старога і Новага Запаветаў, прадказваючыя
меcіянcтва Езуcа Хрыcта‚ такія, напрыклад, як прароцтва прарока Натана ў 2 кнізе Самуэля.
Cёньня мы працягваем чытаць cтаронкі з трэцяй главы гэтай кнігі пад назвай “Абвешчаны”,
дзе аўтар разважае над знакамі , зьдзейсьненымі Езусам, якія сьведчылі аб ім як Месіі,
Сыне Божым.
Ва ўрыку з дваццатай главы, які зьяўляецца свайго роду рэдактарскім
завершаньнем чацьвертага Эвангельля, напісана, што аўтар апісаў не ўсе дзеяньні Езуса.
Гэтая заўвага азначае, што былі вядомыя і іншыя дзеяньні, аднак для таго, каб увераваць,
няма неабходнасьці прыводзіць усе звышнатуральныя чыны Езуса. Дастаткова некалькіх,
каб паверыць. Але толькі тады, калі яны ўспрымаюцца ў кантэксьце няйвялікшага знака,
якім зьяўляецца Сьмерць і Ўваскрасеньне Пана. Усе ж іншыя “цуды” – “знакі”, былі
запісаны для таго, каб абудзіць веру ў Езуса як Намашчонага – сына Божага, але гэты
апошні найвялікшы “ЗНАК”, ёсьць непасрэдным увайсьцём у сутнасьць веры. Калі мы прааналізуем
усе фрагменты чацьвертага Эвангельля, дзе ўжываецца слова “увераваць”, дык пабачым,
што ўвераваць у Езуса і ў яго пасланьніцтва азначае ўвераваць ў тое, што ён дасланы
Айцом, што ён ёсьць у Айцу, а Айцец у ім, што Езус прыйшоў у сьвет, каб збавіць
яго. І ўрэшце, увераваць у Езуса азначае ўвераваць у яго годнасьць Месіі- Валадара,
а значыць прыйсьці да Яго, прыняць яго, узьлюбіць яго і выканаць словы яго. Такім
чынам, аб-ектам веры зьяўляецца Езус чалавек, які яўляецца Хрыстом, гэта значыць
намашчоным, Сынам Божым. Езус – чалавек, які паходзіць з вядомага роду, канкрэтнай
мясцовасьці, удзельнічае ў канкрэтных чалавечых перажываньнях. Асабліва ў апавяданьні
пра суд аўтар чацьвертага эвангельля відавочна намагаецца выявіць Езуса як нашчадка
царскага роду Давідавага, сапраўднага цара, нават калі “валадарства яго не з гэтага
сьвету”. Але Езус не толькі чалавек, Месія, нашчадак Давіда Цара, ён – Сын Божы.
Езус – пасланьнік Айца. Ён быў дасланы, але дасланы Айцом. І таму канчатковай мэтай
дасланьня і місіі Езуса зьяўляецца сам Бог Айцец. Езус прыйшоў ад Бога, каб вярнуцца
да Бога і вярнуць усіх да Бога. Ён зьяўляецца ўцелаўленьнем, дзякуючы катораму
Езус пакідае “сферу вышэйшага сьвету” і трапляе ў “ніжэйшы” сьвет, каб тут выканаць
волю Айца. У сувязі з уцелаўленьнем Езус залежны ад Айца, але менавіта з гэтай
залежнасьці паходзіць уся ягоная ўлада. Езус - чалавек, які знаходзіцца ў служэньні
Айца. Аднак гэтае служэньне не прыніжае, яно зьяўляецца хутчэй сьведчаньнем шчыльнай
сувязі, адзінства і роўнасьці з Айцом. Езус яўляе Айца, тлумачыць яго, і праведна
аб Ім сьведчыць. Ён ведае Айца і таму яўляе Айца – што таксама зьяўляецца мэтай
яго прыйсьця ў сьвет. Ён не гаворыць нічога, што не зыходзіла б ад Айца і не робіць
нічога, што не ад Айца. Можна сказаць, што Езус - увасабленьне яўленьня нябачнага
Айца. І таму той, хто веруе ў Езуса, веруе і ў Айца. Гэтае Адкрыцьцё павінна быць
прынята тым, хто прагне збавіцца, бо сустрэча з Айцом можа адбыцца толькі дзякуючы
прыняцьцю ўцелаўлёнага адкрыцьця Божага, кім ёсьць Езус Хрыстус. Падставай усіх
гэтых ісьцінаў зьяўляецца прырода адзінства Езуса з Богам. Гэта сувязь зьяўляецца
рэальным – не толькі маральным – адзінствам Сына і Айца. Гэтая сувязь праяўляецца
ў любові, ва ўзаемным ухваленьні Айца і Сына. Эвангеліста перакананы ў гэтым сутнаснай
роўнасьці , аб чым сьведчаць тэксты. Гэтую ісьціну павінен ведаць хрысьціянін,
ведаючы адначасова і яе абгрунтаваньне, а менавіта – што Езус шчыльна зьвязаны з Айцом,
што ён залежыць ад Айца, што ён – адкрыцьцё Айца і, нарэшце, што ён сутнасна роўны
Айцу, жадае пацьвердзіць аўтар Чацьвертага Эвангельля.
Шаноўныя cлухачы, вы
cлухаеце cтаронкі з кнігі польcкага бібліcты і тэолага Яна Лаха‚ пад назвай “Блаcлаўлёны,
хто прыходзіць у імя Панcкае”. У нашай наcтупнай перадачы праз тыдзень мы працягнем
чытаньне наcтупных разьдзелаў з гэтай кнігі.