Y Полацку адбыўся міжпарафіяльны семінар-прэзентацыя па праблематыцы «Хрысціянскае
дабрачыннае служэнне ў сучасным грамадстве». Семінар быў арганізаваны Дабрачынным
цэнтрам «Бэтэль» мясцовай грэка-каталіцкай парафіі св. Язафата і рыма-каталіцкай парафіяй
Святога Андрэя Баболі, якая прадаставіла памяшканні для правядзення гэтай духоўнай
сустрэчы.Падчас сустрэчы прадстаўнікі Хрысціянскага валанцёрскага руху св. Мікалая
і валанцёры парафій падзяліліся вопытам канкрэтнага хрысціянскага служэння людзям
састарэлага ўзросту, дзецям-сіротам, няпоўнаспраўным, хворым і самотным. Акрамя гэтага,
былі разгледжаны пытанні канкрэтнай дзейнасці ў справе абароны ненароджаных дзяцей,
абароны сям’і і сямейных каштоўнасцяў. Удзельнікі сустрэчы вырашылі праводзіць
падобныя мерапрыемствы ў Полацку штомесяц. Яны будуць спрыяць не толькі ўзбагачэнню
і ўдасканаленню валанцёрскага вопыту, але перш за ўсё дапамогуць прабываць у малітоўнай
еднасці, просячы Божага благаслаўлення для Полацка і ўсіх добрых пачынанняў у горадзе.
Удзельнікі семінара выказалі спадзяванне, што такія сустрэчы стануць добрым фундаментам
для пашырэння каталіцкага валанцёрскага служэння ў Полацку