Më 17 gusht kalendari Kishtar përkujton Shën Euzebin, Papë
Të dhënat për të janë të pakta. Dihet se ishte grek, se pati një papni shumë të shkurtër,
gjatë së cilës u tregua shumë i mëshirshëm me të krishterët që, si kishin mohuar fenë
gjatë persekutimit, dëshironin të riktheheshin në Kishë. Dihet edhe se vdiq në
mërgim, në Siceli, rreth vitit 309 - 310. Pas vdekjes u mbart në Romë e u varros ndër
Katakombat e Shën Kalistit, pranë papës Kaio në një kriptë të gjërë e të ajrosur mirë,
që shërbente dhe për kremtimet e bashkësisë.