Парафіяльныя ўрачыстасці ў Мінску і Цеснавой ва ўспамін св. Максімільяна Кольбэ 14
жніўня 2010 г.
У суботу сусветны Касцёл мае ўспамін св. Максімільяна Марыі Кольбэ.Біскупы Беларусі
запрашаюць на адпустовыя святыя Імшы ў мінскую капліцу св. Яна Евангеліста і св. Максімільяна
Кольбэ (вул. Матусевіча, 80), а таксама ў парафію Cв. Максімільяна Кольбэ ў Цеснавой
(Рубяжэвіцкі дэканат). Адпустовыя святыя Імшы ў Мінску — 08.00, 19.00.Адпустовая святая
Імша ў Цеснавой — 12.00. З біяграфіі святога.Нарадзіўся 8 студзеня
1894 г. у Польшчы і пры хросце атрымаў імя Раймунд. У 1907 г. разам з братам Францішкам
распачаў вучобу ў ніжэйшай францішканскай семінарыі ў Львове. Працягваў вучобу ў Рыме,
дзе атрымаў доктарскую ступень. У 1918 г. прыняў святарскае пасвячэнне і праз год
вярнуўся ў Польшчу. З 1920 да 1925 г. айцец Максімільян жыў і працаваў у
Гродне. З 1922 г. пачаў выдаваць у Кракаве часопіс «Rycerz Niepokalanej»
(«Рыцар Беззаганнай»). Па яго ініцыятыве пад Варшавай быў пабудаваны кляштар, які
атрымаў назву Непакалянава ў гонар Беззаганнай Панны. У 1930 г. разам з
чатырма братамі айцец Максімільян накіраваўся на Далёкі Усход і заснаваў у Нагасакі
місіянерскі асяродак. Праз 6 гадоў вярнуўся ў Польшчу і стаў гвардыянам Непакалянава.
Ён хацеў, каб такія ж «Непакалянавы» з’явіліся ў кожнай краіне, але гэтую задуму не
ўдалося ажыццявіць, бо пачалася Другая сусветная вайна. У 1941 г. айцец Максімільян
быў арыштаваны і вывезены ў Асвенцім. Там ён дабравольна ахвяраваў сваё жыццё за асуджанага
на смерць чалавека, які меў сям’ю. Апынуўшыся ў бункеры смерці, ён правёў там разам
з іншымі асуджанымі два тыдні без ежы і піцця. 14 верасня 1941 г. яго, дашчэнту знясіленага,
дабілі, увёўшы смяротную ін’екцыю. Святы Максімільян, жыццё якога было звязана таксама
і з нашаю краінаю, з’яўляецца дадатковым апекуном Гродзенскай дыяцэзіі. Catholic.By