Рыга. У Домскім саборы адбылася цырымонія пасвячэння дырэктара Рыскага вышэйшага інстытута
рэлігіязнаўства і духоўніка семінарыі Рыскай мітраполіі ксяндза Збігнева Станкевіча
ў арцыбіскупы Каталіцкай царквы
Кіраўніцтвa Рыскай архідыяцэзіяй ён пачне 21 жніўня. На ўрачыстасць прыбылі першыя
асобы Латвіі, прадстаўнікі Ватыкана і іншых краін, паведамляе нацыянальная газета
"Тэлеграф". Новым кіраўніком Каталіцкай царквы Латвіі ксяндза Станкевіча прызначыў
Папа Рымскі Бенедыкт XVI, адначасова прыняўшы адстаўку па ўзросце дзеючага арцыбіскупа
Рыгі, кардынала Яніса Пуятса, якому ў гэтым годзе спаўняецца 80 гадоў. Збігнеў
Станкевіч нарадзіўся 15 лютага 1955 года ў Латвіі. У 1978 годзе скончыў Рыскі політэхнічны
інстытут, атрымаўшы спецыяльнасць інжынера аўтаматызаваных сістэм. У 1996 годзе
а. Станкевіч скончыў факультэт тэалогіі Каталіцкага універсітэта Любліна (Польша),
у 2004 годзе - факультэт фундаментальнай тэалогіі Папскага Латaранского універсітэта
ў Рыме. У 2008 годзе атрымаў ступень доктара ў тым жа універсітэце. Новы арцыбіскуп
актыўна займаецца спортам і мае 1-й разрад ў лёгкай атлетыцы. Хобі - альпінізм. Акрамя
латыскага, валодае рускай, ангельскай, польскай і італьянскай мовамі.