Ватыкан. Агульная аўдыенцыя Святога Айца адбылася ў гэтую сераду ў двары апостальскага
летняга палаца ў Кастэль Гандольфа. "Маладыя, сужонцы, будзьце ў вашай сям'і апосталамі
Евангелля любові!"
Папа заклікаў маладых - а іх была большасць на сённяшняй аўдыенцыі - жыць на ўзор
святой Кьяры Асізскай, сяброўкі святога Францішка, якая здолела ад юнацтва усё жыццё
адважна і шчодра аддаваць сабе веры ў Хрыста Езуса і міласэрднасці да бліжняга. Як
заўсёды, Бенедыкт 16 павітаў групы пілігрымаў у розных мовах, навучаючы прыгожа сустрэць
свята Унебаўзяцця Найсвятой Панны Марыі, якое Касцёл адзначае ў наступную нядзелю.
Перадаем для вас зварот да груп са Славеніі. Прывітаючы палякаў,
Папа выказаў сваё спачуванне ўсім іхным суайчыннікам у сувязі з няшчасцем навадненняў,
якія не спыняюцца. Навучанне Святы Айцец прысвяціў таямніцы хрысціянскага мучаніцтва
- акту найбольшае, татальнае любові да Бога. "Сёння маем літургічны ўспамін святой
Кьяры з Асізі, фундатаркі ордэна Кларысак,"- прыгадаў Папа. Разам з паслядоўніцай
вялікага Францішка, Папа прыпомніў прыклады святых гэтага тыдня, у прыватнасці - мучанікаў
20 стагоддзя Эдыт Штайн - святую Тэрэзу і ксяндза Максімільяна Кольбэ, замучаных у
Асвенцыме. "На чым трывае мучаніцтва за веру?, -спытаўся Папа і сам адказаў:- Усё
проста - на смерці Езуса, на Ягонай высокай любові крыжовага ахвяравання, дзеля таго,
каб мы маглі мець жыццё. Прычым, важна падкрэсліць, што Божая ласка не прыціскае і
не аднімае ў нікога вольнае волі. Сіла Божая выяўляе Сабе ў найбольшай ступені праз
слабасць і галечу,- падкрэсліў Папа, - каб падтрымаць таго, хто поўнасцю давяраецца
Яму. Адным словам, мучаніцтва - гэта акт любові ў адказ на Божую Любоў." Па словах
Папы, ніхто з нас не пакліканы да мучаніцтва, але ніхто не выключаны з паклікання
да святасці, да жыцця паводле высокіх ідэалаў, жыцця па-хрысціянску. «Aсабліва ў наш
час, калі імкнуцца дамінаваць эгаізм і індывідуалізм, мы мусім прыняць як першую і
асноўную задачу тое, каб з кожным днём узрастаць ва ўсё большай любові да Бога і сваіх
братоў, каб любоўна змяняць увесь свет і наша асабістае жыццё», — адзначыў Святы
Айцец. Напрыканцы сустрэчы Папа надзяліў усім вернікам сваё апостальскае блаславенства.