(11.08.2010 RV)Sot nis Muaji i Shenjtë i Ramazanit për besimtarët myslimanë.
Kryetari i Bashkësisë Myslimane të Shqipërisë, Haxhi Selim Muça u ka bërë urimet besimtarëve,
duke vënë në dukje rëndësinë e agjërimit, i cili gjatë diktaturës komuniste mbahej
fshehtazi. Ramazani është muaji i nëntë i vitit sipas kalendarit të Hixhretit. Në
përfundim të këtij muaji, një miliard myslimanët e botës festojnë festën e Eid al-Fitr
(Bajramin e Madh). Praktika e agjërimit e ka origjinën tek egjiptianët e lashtësisë.