Հայազգի Էտիթ Խաչատրեան Ամերիկայի Ուսուցչական Դեսպան Կ՛ընտրուի։
Միացեալ Նահանգներ- Լա Քրեսենթայի ,Քլարք երկրորդական վարժարանի ուսուցիչներէն Էտիթ Խաչատրեան,
Միացեալ Նահանգներու կրթական նախարար Առնի Տանքընի կողմէ ընտրուած է 2010-2011 տարեշրջանի
,Ուսուցչական դեսպանեներէն մէկը, ,որոնք պիտի նպաստեն կրթական նախարարութեան աշխատանքներուն
եւ նահանգային ու համայնքային մակարդակներու վրայ իրականացուելիք բարեկարգումներուն (կը
տեղեկացնէ Կլենտէյլի միացեալ կրթաշրջանը):
Միացեալ Նահանգներու տարածքէն 15 ուսուցիչներ
ընտրուած են այս պատուաբեր դիրքին եւ անոնցմէ միայն հինգը, ներառեալ՝ Էտիթ Խաչատրեան,
իրենց աշխատանքը պիտի տանին մայրաքաղաք Ուաշինկթընի մէջ գտնուող կրթական նախարարութեան
կեդրոնատեղիին մէջ: Անոնք պիտի ըլլան նախարարութեան լիաժամ պաշտօնեաներ:
Այս ուսուցչական
դեսպանները պիտի ըլլան ուսուցիչներու ձայնը կրթական նախարարութենէն ներս եւ երկրին ուսուցիչներուն,
աշակերտներուն եւ անոնց ծնողներուն իսկական դեսպանները պիտի ըլլան նախարարութեան մօտե,
յայտնած է նախարար Տանքըն:
Ուսուցիչներուն ձայնը լսելի դարձնելու միտող այս իւրայատուկ
ծրագիրը գործադրութեան դրուած էր երեք տարի առաջ: