Braziliani atë Anxhelo Mexari, eprori i ri i përgjithshëm i rogacionistëve
Është brazilian e quhet atë Anxhelo Mexari, eprori i ri i përgjithshëm i Etërve Rogacionistë
të Zemrës së Krishtit. Është hera e parë që një person jo italian vihet në krye të
familjes rregulltare, të përhapur në 17 vende të botës, me qëllim nxitjen e përshpirtërisë
vokacionale, bazuar mbi lutjen, ungjillëzimin e të varfërve dhe edukimin e të rinjve
në nevojë. Kujtojmë se rogacionistët ndodhen edhe në Shqipëri, në Shënkoll të Lezhës. Atë
Anxhelo Mexari, 53 vjeçar, ka kryer teologjinë, filozofinë dhe gazetarinë, ka qenë
epror i provincës latinoamerikane të rogacionistëve dhe drejtor i Institutit baritor
të thirrjeve në San Paolo të Brazilit.