Рым. З усёй Еўропы сабраліся сюды тысячы міністрантаў, каб сустрэцца з Папам Рымскім
"Будзем піць з сапраўднае крыніцы" - гэтыя Евангельскія словы з'яўляюцца дэвізам
Дзесятага міжнароднага сходу памочнікаў касцельнага адпраўлення культу. Ён праходзіць
3 і 4 жніўня ў Рыме. Сустрэча арганізавана Сусьветнай асацыяцыяй "Ministrantum Cim".
У сустрэчы прымаюць удзел больш за 53000 маладых людзей з 17 розных краін. Сусветная
асацыяцыя міністрантаў была створана на добраахвотнай аснове і сёлета святкуе свой
50-гадовы юбілей. Cустрэча моладзі стала традыцыяй ў Каталіцкім Касцёле і праводзіцца
раз у чатыры гады. Самая вялікая група ўдзельнікаў прыбыла з Германіі, якая мінулым
разам прыняла каля 44 тысяч міністрантаў з розных краін Еўропы. Цяпер кульмінацыйным
момантам стаецца вячэрняя малітва на плошчы Святога Пятра, якая пачалася сёння, 3
жніўня ў 17 гадзін і скончыцца ў 21 гадзіну. Сустрэча з Папам Бенедыктам XVI прызначана
ў Ватыкане на сераду пасля агульнай Аўдыенцыі. Падчас 2-дзённай нарады ў цэнтры
Плошчы Святога Пятра ўсталявалі бронзавую статую святога Тарчызіо. Гэта - мастацкая
праца швейцарскага скульптара Бернарда Ланга. Два гады статуя св Тарчызіо, апякуна
міністрантаў, пілігрымуе па Еўропе, са Швейцарыі накіроўваючыся ў розныя еўрапейскія
краіны. Вялікая бронзавая статуя з'яўляецца сімвалам "маленькага, але вялікага" Міністэрства
- значыцца, паслугоўвання. Пасля выстаўляння на плошчы Святога Пятра, бронзавая фігура
святога Тарчызіё прызначаная для усталявання на вуліцы Апія Aнтiка ля катакомбаў
святога "Каліна", бо, як мяркуюць навукоўцы, тут жа быў пахаваны і святы апякун падлеткаў-міністрантаў.
Монс.Марко Фрызіна, адказны за літургічныя службы рымскага Вікарыяту, падкрэслівае,
што мы не павінны забываць, што міністранты - "гэта сапраўдныя маладыя памочнікі
ў літургіі, якія разумеюць у раннім узросце багацце і каштоўнасць свайго служэння."
Па словах біскупа, неабходна "падтрымліваць міністрантаў і умацоўваць перакананне,
што іх служэнне вядзецца ў супрацоўніцтве са святаром, але, перш за ўсё, што яны супрацоўнічаць
з Самім Хрыстом і ўдзельнічаюць у Яго ахвяры любові да канца. Маладыя людзі так стаюцца
жывым сведчаннем веры для сваіх аднагодкаў і ўсяго народа Божага ". Іво.