Pakistan: përleshje në Karaçi. Të paktën 40 viktima.
(03.08.2010 RV)Sot banorët e Karaçit, Pakistan iu shmangën lëvizjeve nëpër qytet pas
përleshjeve të natës së kaluar që shpërthyen pas vrasjes së Raza Haiderit e që shkaktuan
40 viktima. Policia njoftoi se afro 90 vetë u plagosën dhe dhjetra automjete dhe dyqane
u dogjën kur turma zbriti në shesh për të protestuar për vrasjen e Haiderit, përfaqësues
i lëvizjes “Mutahida Kuami” dhe anëtar i parlamentit provincial të Sindit. Sipas
qeverisë, vrasja e Haiderit u krye nga talebanët dhe grupi i armatosur i jashtëligjshëm
“Sipah e Sahaba Pakistan”. Deri tani policia ka arrestuar njëzet persona.