26 ліпеня:святых Яўхіма і Ганны, бацькоў Найсвяцейшай Панны Марыі. Памолімся за сем'і
па цэлым свеце. каб гэты чалавечы інстытут зберагаўся і даваў праз вякі жыццё чалавецтву
Яўхім-святар жыў у Ерусаліме разам з жонкаю Ганнай, якая таксама паходзіла са святарскага
роду з мясцэчка Бэтлеема. Доўгі час, ажно да старасці, у іх не было дзяцей. Аднойчы
Анёл абвясціў Яўхіму, што ў іх з’явіцца дзіця, а знакам доказу гэтага абяцання павінна
была стаць яго выпадковая сустрэча з жонкаю каля Залатой Брамы — «Брамы Нябеснай».
І сапраўды, праз пэўны час Ганна нарадзіла дзяўчынку, якую назвалі Марыяй. Калі Марыі
было 3 гады, бацькі прывялі яе ў святыню, каб ахвяраваць Богу, і неўзабаве пасля гэтага
васьмідзесяцігадовы Яўхім памёр. Святая Ганна памерла ў аўторак, і таму ёй прысвечаны
гэты дзень. Па рашэнні 2-га Ватыканскага Сабору Касцёл узгадвае бацькоў Багародзіцы
святых Яўхіма і Ганну разам. Яны з’яўляюцца апекунамі шчаслівых сужонстваў і сужэнцаў;
заступніцтва святой Ганны просяць для добрых родаў.