Кіраўнік Рускай Праваслаўнай Царквы Партыярх Кірыл выказаў прызнанне Папе Бэнэдыкту
16-му за яго пазіцыю ў пытаннях маралі. Стаўленне цяперашняга Папы “з”яўляецца падставай
для аптымізму”,- сказаў Патрыярх Маскоўскі і ўсяе Русі, які ў днях 20-28 ліпе нязнаходзіцца
з візітам на Украіне. На яго думку “поўная згоднасць Каталіцкага Касцёла і Праваслаўнае
Царквы ў шматлікіх грамадскіх і маральных пытаннях робяць магчымым супольна падкрэсліваць
хрысціянскія вартасці, асабліва ў рамках міжнародных арганізацый”. Адначасна Патрыярх
Кірыл выказаў меркаванне, што пачынаючы ад другой паловы 20-га стагоддзя ў Каталіцкім
Касцёле даюць аб сабе знаць што-раз мацнейшыя лібэральныя тэндэнцыі, што напаўняе
турботаю праваслаўных. Такое развіццё сітуацыі спрычыняе тое, што Бэнэдыкта 16 –га
пастаянна крытыкуюць лібэральныя тэолагі і заходнія СМІ. Як “вельмі небяспечнае”
акрэсліў Кірыл становішча пратэстанцкіх Цэркваў па адносінах да гомасэксуалізму.
Адмоўна ацаніў таксама высвячанне на святароў жанчын, што практыкуюць некаторыя Цэрквы
Евангельскай традыцыі.