Grupi i parë i të burgosurve politikë largohet nga Kuba
Një grup prej 52 personash të burgosur politikë, që u liruan nga autoritetet e Kubës
me ndërmjetësimin e Kishës katolike janë nisur për në Spanjë. Shtatë nga disidentët
u dërguan në aeroportin e Havanës për t'u ribashkuar me anëtarët e familjarët e tyre,
që u larguan nga Kuba bashkë me ta. Ata janë në mesin e 52 të burgosurve politikë,
lirimi i të cilëve u negociua nga Kisha Katolike e Spanja . Kuba u vu nën presion
ndërkombëtar për lirimin e tyre pasi një prej disidentëve të burgosur vdiq nga uria
për të denoncuar gjendjen e tyre të rëndë. Personat e burgosur u arrestuan gjatë një
operacioni të një shkalle të gjerë kundër aktivistëve të opozitës në 2003. Kuba
gjithnjë e ka kundërshtuar faktin se mban të burgosur politikë, duke i quajtur të
burgosurit 'mercenarë të paguar të Amerikës' që duan të minojnë qeverinë kubane. Ish
të burgosurit u ribashkuan me gratë e tyre dhe fëmijët në aeroportin ndërkombëtar
të Havanës. Zyrtarët e konsullatës spanjolle i intervistuan ata pastaj u dhanë vizat
për të qëndruar në Spanjë. Në bordin e avionit ishte edhe gazetari Rikardo Gonzalez
dhe gruaja e tij Alida. Gonzalez u dënua me 20 vjet burgim në 2003.