Në Afganistan nga një atentat i talebanëve, vriten 6 civilë në Helmand
Gjashtë civilë afganë kanë vdekur e katër të tjerë janë plagosur sot në zonën e Lashkargahit,
në provincën jugore të Afganistanit të Helmandit, nga shpërthimi i një bombe. Kështu
bëjnë të ditur në Kabul Forcat ndërkombëtare të asistencës e sigurisë (Isaf). Atentati
është komanduar nga distanca e ka goditur një automjet që gjendej në afërsi të automjeteve
ushtarake të forcave ndërkombëtare. Një helikopter i Forcave ndërkombëtare, që
transportonte të plagosurit drejt spitalit, është gjuajtur me armë zjarri nga disa
shtëpi të afërta. “Ky është një tjetër shembull - komentoi koloneli William Maxwell,
zëdhënës i Qendrës operative i forcave të përbashkëta - i vrasjeve pa kurrfarë faji
e dallimi, mbarë e mbrapshtë e talebanëve që as u shkon në mendje fati i civilëve,
jeta e të cilëve për ta nuk vlen asgjë”.