Mbërrijnë sonte në Spanjë të burgosurit e parë politik të liruar nga Kuba me ndërmjetësimin
e Kishës.
Pra grupi i parë i ish të përndjekurve politikë kubanë së bashku me familjarët e tyre
- liruar nga autoritetet e Havanës, pas ndërmjetësimit të udhëhequr nga Kisha katolike,
mbërrijnë sonte në Madrid. Është fjala për 52 opozitarë të qeverisë së Fidel Kastros,
për lirimin e të cilëve edhe intelektuali kuban Guillermo Farinas pati çoi përpara
betejën me grevën e tij të urisë. Lirimi i të burgosurve të parë kubanë pra është
një ngjarje me peshë historike siç konfirmon Ugo Draetta, docent i së drejtës ndërkombëtare
në Universitetin katolikë të Milanos. “ Komentet nuk mund të mos veç se pozitiv.
Kjo mund të jetë një lëvizje që pastaj do të përshpejtohet - motus in fine velocior
- mund të jetë një fillim i hapjeve edhe më të mëdha e këtë edhe shpresojmë. Me siguri
është një fitore e së drejtës ndërkombëtare dhe e normave që kanë të bëjnë me të drejtën
e azilit: janë dëbuar nga Kuba e menjëherë hyri në punë enë fuqi rrjeti i së drejtës
ndërkombëtare për drejtën e azilit, që është aplikuar pikërisht nga Spanja. Do të
thosha se para këtij kuadri pozitiv e vetmja notë, pak sa e stonuar, është mungesa
e Evropës”. Kujtojmë se të burgosurit janë arrestuar në vitin 2003 dhe janë dënuar
deri me nga 28 vjet heqje lirie.