Në Kinë u shuguruan 5 meshtarë të rinj, fryte të Vitit Meshtarak.
Në ditën kur kremtohej solemniteti i Shën Pjetrit e i Shën Palit, në Kinë u shuguruan
pesë meshtarë të rinj. Kremtimi u mbajt në katedralen e dioqezës Yi Çang, në provincën
Hu Bei e u kryesua nga ipeshkvi i dioqezës, imzot Lu Shou Vang, i shuguruar me miratimin
e Selisë së Shenjtë. Siç njofton agjensia Fides, katedralja ishte përplot me besimtarë,
rregulltarë e familjarë të meshtarëve të rinj, thirrja meshtarake e të cilëve arriti
pjekurinë e plotë pikërisht gjatë Vitit meshtarak, të sapopërfunduar. Të gjithë kandidatët
u përgatitën në seminaret katolike kineze, në jug të vendit. Me këto shugurime,
numri i meshtarëve të dioqezës Yi Çang arriti në 22. Dioqeza, që numëron edhe 11 murgesha,
ka 16 famulli, të cilat u shërbejnë 20 mijë besimtarëve.