Віцебск. Пётр Рудкоўскі прыняў святарскія пасвячэнні
Вядомы ў Беларусі дыякан, сябра ордэна дамініканаў Пётра Рудкоўскі прыняў сакрамант
святарства. Абрад рукапалажэння здзейсніў 24 чэрвеня ў катэдральным касцёле святой
Барбары біскуп Віцебскі Уладзіслаў Блін. Айцец Пётра Рудкоўскі будзе служыць
у катэдральным касцёле св. Барбары ў Віцебску. Мяркуецца, што ў яго абавязкі будзе
ўваходзіць праца з моладдзю. Летам ён плануе прыняць удзел у правядзенні філасофскага
летніка “Вяртанне да крыніц”, які будзе праходзіць 14 – 24 ліпеня ў памяшканні парафіі
Хрыста Уладара Сусвету ў Бягомлі. Пётра Рудкоўскі - вядомы ў Беларусі багаслоў,
філосаф, публіцыст. Нарадзіўся ў 1978 годзе ў Канвелішках на Гарадзеншчыне. У 2000
годзе ўступіў у ордэн дамініканцаў. Абараніў магістэрскую дысертацыю па багаслоўі
ў дамініканскім калегіуме ў Кракаве і па філасофіі ў Ягелонскім універсітэце. З’яўляецца
пастаянным аўтарам часопісаў “Наша вера”, “Архэ”, газэты “Наша ніва”, партала Catholic.by.
Аўтар кнігі (2007 г.)“Паўстаньне Беларусі” . Партал "ЦАРКВА "