30-га чэрвеня Папа Бэнэдыкт 16 прызначыў новага Нунцыя ў Польшчы. Ім стаў італьянскі
арцыбіскуп Цэлестыно Мільёрэ, які дагэтуль працаваў у Нью Ёрку як пастаянны назіральнік
Апостальскай Сталіцы пры ААН. Арцыбіскуп Мільёрэ мае 58-м гадоў і ў ватыканскай дыпламатыі
працуе ўжо ад 30-ці гадоў. Скончыў Папскі Лятэранскі Унівэрсытэт, дзе атрымаў ступень
доктара кананічнага права. Ён таксама закончыў Папскую Касцельную Акадэмію. Дыпламатычную
службу пачаў ал працы ў Апостальскай Нунцыятуры ў Анголе, а затым у ЗША і ў Ягіпце.
У гадах 1989-92 быў супрацоўнікам Апостальскай Нунцыятуры ў Варшаве. Цяперашняе назначэнне
на Нунцыя з”яўляецца затым паваротам у Польшчу.