Saktësim i atë Lombardit për notën lidhur me funksionet e Propaganda Fide-s. Ripohohet
nderimi e solidariteti për kardinalin Sepe.
(30.06.2010 RV)I pyetur nga disa gazetarë, për notën, botuar të hënën e kaluar,
mbi detyrat e funksionet e Kongregatës së Ungjillëzimit të Popujve, drejtori i Sallës
vatikanase të Shtypit, saktësoi sa vijon: “Lidhur me veprimet financiare, në të cilat,
pohonte Nota, mund të jenë vërtetuar edhe gabime në vlerësime, duhen konsideruar si
të dhëna të përgjithshme, pa përmendur asgjë të veçantë”. Përsa i përket kryeipeshkvit
të Napolit, kardinalit Sepe, në krye të Kongregatës në fjalë, nga viti 2001 deri më
2006, ripohohet nderimi e solidariteti, me bindjen se veprimtaria e tij korrekte,
do të çojë në sqarimin e plotë e të shpejtë të procedurave gjyqësore.