Mesazh i Benediktit XVI drejtuar kryetarit të Konferencës ipeshkvnore të Belgjikës
për mënyrën e kontrolleve në katedralen e Malines.
(28.06.2010 RV)Benedikti XVI, në një mesazh drejtuar imzot Andre-Jozef Leonard,
kryeipeshkëv i Malines-Brukselit, kujton mënyrat që përdorën forcat belge të rendit
gjatë kontrollit në selinë e kryeipeshkvnisë. Në këtë çast të trishtuar, shkruan Papa,
dëshiroj t’ju shpreh afërsinë e solidaritetin tim Ju dhe të gjithë ipeshkvijve të
Kishës së Belgjikës, për mënyrat e habitshme e të dënueshme me të cilat u bënë kontrollet
në katedralen e Malines e në Selinë, ku episkopati ishte i mbledhur në një seancë
plenare, në të cilën, ndërmjet tjerash, do të trajtoheshin aspekte të shpërdorimit
mbi të miturit, nga ana e disa anëtarëve të klerit. Më se një herë, shton Ati i
Shenjtë, unë vetë kam pohuar se fakte të tilla të rënda duhen trajtuar nga drejtësia
civile e ajo kanonike, duke respektuar pavarësinë e palëve. Prandaj, përfundon Benedikti
XVI – uroj që drejtësia të bëjë punën e vet për garantimin e të drejtave themelore
të njerëzve e të institucioneve, të respektojë viktimat, por edhe t’i pranojë, pa
paragjykime, të gjithë ata që impenjohen të bashkëpunojnë me të, duke refuzuar gjithçka
errëson qëllimet fisnike të kësaj drejtësie.