Куба: кіраўнік ватыканскае дыпламатыі сустрэўся з Раўлем Кастро
Сакратар да спраў адносін Апостальскай Сталіцы з Дзяржавамі, арцыбіскуп Дамінік
Мамбэрті, перад паваротам у Рым, сустрэўся з кубінскім лідэрам Раўлем Кастро,- заявіла
дзяржаўнае тэлебачанне ў Гаване. Мітрапаліт Гаваны, кардынал Хаймэ Ортэга, за пасрэдніцтвам
кіраўніка ватыканскае дыпламаті запрасіў Папу Бэнэдыкта 16 наведаць Кубу. “Развітваючыся
з арцыбіскупам Мамбэртім, я выказаў надзею, што калі ён будзе здаваць справаздачу
Святому Айцу са свайго 5-ці дзённым візыту на Кубу, запросіць Папу наведаць нашу Радзіму”,-
сказаў кардынал Ортэга прэсаваму агенцтву АФР Кубінскія біскупы хацулі б, каб Папа
Бэнэдыкт 16 наведаў іхнюю краіну ў 2012-м годзе, ў сувязі з 4-х сотаваю гадавінаю
аб”яўленняў Божай Маці дэль Кобрэ, апякункі востраву. На думку кардынала візіт арцыбіскупа
Мамбэрті “быў вельмі пазытыўны, добры і госць кубінскіх біскупаў вынес вельмі добрае
ўражанне”. “Гэтыя адведзіны, як таксама візыт Яна Паўла ІІ ў 1998-м годзе будзе служыць
кубінскаму народу”,- сказаў кардынал Ортэга А са свайго боку арцыбіскуп Мамбэрті
сказаў, што адносіны паміж Каталіцкім Касцёлам і дзяржавай на Кубе развіваюцца “вельмі
пазытыўна”.