SHBA-të dhe Rusia shprehin shqetësim për tensionin në Kirgizistan
(21.06.2010 RV)Gjatë një bisede telefonike, sekretarja amerikane e shtetit,
Hilari Klinton dhe kolegu i saj rus, Sergei Lavrov shprehën shqetësim për gjendjen
në Kirgizistan. Ndeshjet etnike ndërmjet uzbekëve dhe kirgizëve vazhdojnë në jug të
vendit, duke shkaktuar të vdekur e të plagosur në Osh e në rrethina. Sipas analistëve
lokalë, dhuna ka për qëllim frikësimin e popullsisë në prag të referendumit mbi Kushtetutën
e re, që do të bëhet më 27 qershor. Shumë klane lokale mendojnë se Kushtetuta do ta
zvogëlojë pushtetin e tyre.