Kirgizistan: sipas kryeministres viktimat mund të jenë 2000 vetë
(18.06.2010 RV)Viktimat e ndeshjeve etnike në Osh, në jug të Kirgizistanit,
mund të arrijnë shifrën 2000. Deklarata është bërë nga kryeministrja e qeverisë së
përkohshme, Roza Otunbajeva, për vizitë në jug, megjithëse bilanci zyrtar flet vetëm
për 192 të vrarë. Lajmi i tmerrshëm i shtohet alarmit të Organizatës Botërore të Shëndetësisë,
sipas së cilës, kriza mund të përfshijë mëse 1 milion vetë dhe refugjatët mund të
arrijnë në 300 mijë. I dërguari amerikan, Robert Blejk vizitoi kampet dhe shprehu
shqetësimin e jashtëzakonshëm të SHBA-ve, duke folur për krizë humanitare. Ai dhe
Këshilli i Sigurimit i OKB-së kërkuan sot një hetim të pavarur mbi ndeshjet etnike
ndërmjet uzbekëve dhe kirgizëve