17 ജൂണ് 2010 മാര്പാപ്പയുടെ നിയോഗങ്ങള്ക്കുവേണ്ടി വത്തിക്കാനിലെ വിശുദ്ധ പത്രോസിന്റെ
ചത്വരത്തില് ജാഗര പ്രാര്ത്ഥന ജൂണ് 18-ാം തിയതി വെള്ളിയാഴ്ചയാണ് റോമിലെ കുടുംമ്പ-സ്നേഹ-കൂട്ടായ്മ
movimento dell’amore familiare എന്ന സംഘടയുടെ നേതൃത്വത്തില് ബനഡിക്ട് 16-മന് മാര്പാപ്പയ്ക്കുവേണ്ടിയും
പാപ്പായുടെ നിയോഗങ്ങള്ക്കുവേണ്ടിയും പ്രാര്ത്ഥന നടത്തപ്പെടുന്നത്. വെള്ളിയാഴ്ച
രാത്രി 8.45-ന് വിശുദ്ധ പത്രോസിന്റെ ചത്വരത്തില് ആരംഭിക്കുന്ന ജാഗര പ്രാര്ത്ഥനയ്ക്ക്
വത്തിക്കാന്റെ വികാരി ജനറാള്, കര്ദ്ദിനാള് ആഞ്ചെലോ കൊമാസ്ട്രി നേതൃത്വം നല്ക്കും.
മാര്പാപ്പയില് നിക്ഷിപ്തമായിരിക്കുന്ന ആഗോളസഭയുടെ അജപാലനദൗത്യത്തിലൂടെ ലോകത്തെ
സമാധാനത്തിലും ഐക്യത്തിലും നയിക്കുവാന് കരുത്തു നല്കുന്നതിനുവേണ്ടിയുമാണ് ഈ ജാഗരശുശ്രൂഷയെന്ന്
കുടുംബസ്നേഹ കുട്ടായ്മയുടെ പ്രസിഡന്റ് ഫാദര് സ്റ്റെഫാനോ താര്ദന് അറിയിച്ചു. പരിശുദ്ധ
സിംഹാസനത്തോടുള്ള ആഴമായ സ്നേഹവും ആദരവും ഈ കൂട്ടായ പ്രാര്ത്ഥനയ്ക്കു പിന്നിലുണ്ടെന്നും
അദ്ദേഹം പ്രസ്താവിച്ചു. ജപമാല പ്രാര്ത്ഥനയോടെ ആരംഭിക്കുന്ന ജാഗരശുശ്രൂഷയില്, ഫ്ലാംബോയ്
ഗായകസംഘത്തിന്റെ ഗാനശ്രൂഷയും, മാര്പാപ്പയ്ക്കു നല്കുന്ന പ്രത്യേക ആശംസാസന്ദേശവും ഉള്ച്ചേര്ത്തിരിക്കുന്നു.
വെള്ളിയാഴ്ച രാത്രി 10 മണിക്ക് നന്ദിയുടെ സ്തുതിപ്പ് ആലപിക്കുന്നതോടെ ജാഗരപ്രാര്ത്ഥന
സമാപിക്കും.