Koncert në nder të Papës në Kapitol, më 29 qershor.
(17.06.2010 RV)Në të kremten e Shën Palit e Shën Pjetrit, më 29 qershor, në
Romë, e pikërisht në Kapitol, do të mbahet një koncert në nder të Papës, pasardhës
i Shën Pjetrit, traditë kjo që është rikthyer që prej dy vjetësh tashmë. Koncerti
me titull “Zemra e Romës për Papën” do të ekzekutohet nga orkestra simfonike e Evropës
së Bashkuar nën drejtimin e dirigjentit Gurer Ajkal. Ngjarjen kulturore e paraqiti
vetë kryetari i Bashkisë së Romë, Xhani Alemano, i cili sot paradite priti në takim
pianisten Rosana Tomasi dhe përfaqësuesin e zyrës së komunikimeve shoqërore të Vikariatit,
Anxhelo Cema. “Një festë e madhe për Papën, si edhe një mënyrë për ta falenderuar
për bekimin e Zojës së Monte Marios që do të bëhet më 24 qershor. Në ngjarje të tilla
kulturore mund të bashkohesh rreth qytetarëve të Romës, pavarësisht bindjeve fetare
që ka secili.” - tha mes tjerash kryetari i bashkisë së Romës, Alemano.