(17.06.2010 RV)Zëdhënësit e Konferencave ipeshkvnore katolike të Evropës zhvillojnë
takimin e tyre të përvitshëm në Sllovaki (Bratislavë e Nitra) nga data 16 deri më
19 qershor për të diskutuar mbi komunikimin në kohë krize. Takimi i zëdhënësve
është organizuar nga Këshilli i Konferencave Ipeshkvnore të Evropës për të trajtuar
çështjet e rëndësishme të komunikimit të Kishës me botën e mediave e për të studiuar
së bashku mundësitë e reja të depërtimit të lajmeve kishtare në faqet e mediave lokale.
Në këtë takim, për herë të parë, merr pjesë edhe zëdhënësi i Konferencës Ipeshkvnore
të Shqipërisë, prifti dom Gjergj Meta, i cili së bashku me kolegët e tij shkëmbejnë
përvojat e flasin për aspektet e informacionin Kishtar në shoqërinë e sotme, për qëndrimet
dhe pasqyrimin e veprimtarisë së Kishës në mediat vendore. Para zëdhënësve të
Konferencave ipeshkvnore evropiane flasin ipeshkvij dhe ekspert të mediave si mons.
Giuseppe Antonio Scotti, Sekretar i dytë i Këshillit Papnor për Komunikimet Shoqërore,
prof. Josč Marěa La Porte, zëvendës Dekan i Fakultetit të Komunikimeve pranë Universitetit
Papnor ‘Santa Croce’ e të tjerë. Po më hollësisht mbi këtë takim dhe marrëdhëniet
e Kishës e mediave në Shqipëri, të dëgjojmë dom Gjergj Metën...