Konferenca ipeshkvnore angleze paraqet broshurën “Papa në Mbretërinë e Bashkuar” nga
16-19 shtator 2010.
(15.06.2010 RV)Kryeipeshkvi Vinsent Nikols paraqiti sot pasdite gjatë një konference
shtypi pranë selisë së Konferencës Ipeshkvnore Katolike angleze dhe të Uellsit, në
Londër broshurën “Papa në Mbretërinë e Bashkuar”. Broshura, që botohet me rastin
e vizitës së Benediktit XVI në vend, nga data 16-19 shtator 2010, do t’i dërgohet
këtë fundjave të gjitha famullive në Angli, Uells dhe Skoci. Synimi i Konferencës
ipeshkvnore britanike është që nëpërmjet kësaj broshure t’i përgjigjet disa pyetjeve
të thjeshta rreth vizitës së Atit të Shenjtë si thirrja e fesë, dëshmimi i fesë në
jetën e përditshme dhe roli i Kishës Katolike. Siç vë në dukje parathënia e broshurës,
sot ka shumë boshllëqe në opinionin publik lidhur me këto çështje. Dhe pikërisht qëllimi
i broshurës është t’i mbushë këtë boshllëqe nëpërmjet fakteve dhe udhëzimeve. “Këto
të dhëna paraprake do të jenë të nevojshme për përgatitjen e vizitës së Papës: të
dobishme për ata që janë kuriozë, të dobishme për ata që kanë nevojë të kuptojnë pak
më tepër, të dobishme edhe për ata që po i ndjekin me vëmendje këto ditë historike.”
– thuhet në broshurë.