Багародзічная малітва “Анёл Панскі” ў нядзелю 13-га чэрвеня
А поўдні гэтага дня Святы Айцец сустрэўся на Плошчы Святогга Пятра з вернікамі,
каб адгаварыць з імі гэтую марыйную малітву. У сваёй прамове да іх Папа сказаў “Ва
ўрачыстасць Найсвятога Сэрца Есуса мы закончылі Год Святарства. Дзякуючы Богу за
дар гэтага часу, я даручыў усё каталіцкае духавенства апецы Марыі, Маці святароў.
Я прашу вас,- звярнуўся Бэнэдыкт 16 да вернікаў,- падрымлівайце вашых пастыраў малітваю
і добраю радаю. Хай асвячаюць сябе і тых, да якіх былі пасланыя. Няхай Бог блаславіць
вас”. Святар з”яўляецца дарам Сэрца Езуса для Касцёла і ўсяго свету. Святы Айцец,
такім чынам, вярнуўся яшчэ раз да закончанага 11-га чэрвеня ў Рыме Году Святарства.
У трохдзённых святкаваннях ў Вечным Горадзе прыняло ўдзел больш за 15-ць тысяч святароў
з розных краін свету, ў тым біскуп Антоні Дземянка з Беларусі “З сэрца Сына Божага,
перапоўненага любоў”ю, выплываюць ўсе багацці Касцёла, і ў асаблівы спосаб бярэ пачатак
пакліканне людзей, якія захопленыя Панам Езусам, пакідаюць ўсё, каб цалкам прысвяціць
сябе служэнню Божаму народу, бяручы прыклад з Добрага Пастыра,- сказаў Папа,- Святар
фарміруецца з той жа любоў”ю Хрыста, якая штурхнула Яго аддаць сваё жыццё за сваіх
сяброў, а таксама да прабачэння ворагам. Такім чынам святары з”яўляюцца першымі працаўнікамі
на ніве цывілізацыі любові”. Бэнэдыкт 16 нагадаў, што пуцяводнаю постацю Году Святарства
быў нястомны пастар з Арс Святы Ян Марыя Віянэй. У нядзелю 13-га чэрвеня Папа спыніўся
на даўжэй над новым бласлаўлёным ксяндзом Ежым Папулушкаю. “Я хацеў бы нагадаць
яшчэ адну постаць: ксяндза Ежы Палелушку, святара і мучаніка, якога бэатыфікацыя адбылася
ў мінулую нядзелю ў Варшаве. Сваю самаадданую і адважную паслугу ён выконваў сярод
тых, хто змагаўся ў карысць свабоды, абароны жыцця і яго годнасці. Дзейнасць на карысць
дабра і праўды стала сімвалам супраціву да рэжыму, які тады быў у Польшчы пры ўладзе.
Любоў да Сэрца Хрыста прывяла яго ахвяраваць сваё жыццё за гэта, і яго сведчанне стала
пасевам новай вясны ў Касцёле і ў грамадстве. Калі мы паглядзім на гісторыю, мы бачым
як шмат бачын сапраўднага духоўнага і сацыяльнага абнаўлення запісалі каталіцкія святары,
натхнёныя толькі да Эвангэлля і чалавека, для яго сапраўднае рэлігійнае і грамадскае
свабоды. Ёсць таксама шмат ініцыятываў па садзейнічанні інтэгральнага развіцця чалавека,
якія ўзялі свой пачатак з інтуіцыі святарсткага сэрца”,- сказаў Святы Айцец. Перад
заканчэннем сустрэчы з вернікамі Бэнэдыкт 16 нагадаў двух чарговых бласлаўлёных, якія
былі ў гэтых днях паднесеныя да хвалы алтароў: іспанца Мануэля Лозано Гаррыдо і славенца
Лойзэ Гроздэ. Гэтага маладога славенскага католіка ў 1943-м годзе забілі югаслаўскія
партызаны. Яны яго затрымалі, калі вяртаўся дадому пасля прыняцця Святога Прычасця
ў першую пятніцу. Перад смерцю ён быў жорстка катаваны, таму што знайшлі пры ім Імшал
і дзьве рэлігійныя кнігі.