Ватыкан: больш за 15-ць тысяч святароў прыбыло на сустрэчу з Папам Бэнэдыктам 16-ым
Сустрэча адбылася вечарам 10-га чэрвеня на Плошчы Святога Пятра ў Ватыкане. Яна мела
форму малітоўнага чування, якое папярэдзіла ўрачыстасць заканчэння Году Святарства.
У часе сустрэчы Святы Айцец адказаў на некалькі пытанняў, якія задалі яму ксяндзы
з пяці кантынэнтаў. Між іншым славацкі святар, які працуе ў Расіі запытаў Папу,
як рэагаваць на частую сёння крытку сэлібату і папрасіў растлумачыць яго сапраўдны
сэнс. Бэнэдыкт 16 сказаў, што цэлібат з”яўляецца “прадугадваннем”. “Мы перасякаем
(перавышаем) самых сябе, ідзём далей, цягнем за сабою свет да Уваскрасення і гэта
сапраўдная навіна, таму што Хрыстус дае новае і сапраўднае жыццё. Цэлібат затым гэта
прадугадванне, магчымае цераз ласку Пана, які цягне нас да сябе, да свету Уваскраспення,
які кліча нас пастаянна пераўзыходзіць самых сябе, ад гэтага цяперашняга часу ў будучыню”,-
сказаў Папа. “Мы зазнаем зараз сусветную крытыку, аб якой ксёндз гаварыў”,- далей
сказаў Бэнэдыкт 16. “Гэта праўда, што для свету агностыкаў, для свету, з якім Бог
не мае нічога супольнага, цэлібат з”яўляецца вялікім згоршаннем. Таму што ён паказвае,
што магла б ў нейкім сэнсе здзіўляць гэтая крытыка цэлібату, ў той час, калі ўсё больш
модным з”яўляецца адмова ад ўступлення ў шлюбны саюз. Але гэтае бязжэнства ёсць нечым
адрозным ад цэлібату”! ,- растлумачыў Папа. Святы Айцец яшчэ нагадаў, што сэнсам
святарства з”яўляецца таксама “скандал веры” . “Мы ведаем, што побач гэтага вялікага
сгоршаня, якога свет не хоча бачыць, ёсць таксама меншыя згоршанні, звязаныя з нашаю
слабасцю, грахамі, якія зацямняюць гэты сапраўдны і вялікі скандал і схіляюць думаць,
што святары не жывукць на самой справе згодна з Богам”,- гаварыў Папа. На думку
Бэнэдыкта 16 крытыка цэлібату даказвае, што “ёсць ён вялікім знакам веры і прысутнасці
Бога ў свеце”. “Упрошвайма Бога, каб нам дапамог і вызваліў ад дробных скандалаў,
і каб зрабіў прысутным у грамадстве “вялікі скандал” нашай веры, ўпэўненасці, сілы
нашага жыцця, што ўсё заснаванае на Богу і Езусе Хрысце”,- закончыў Бэнэдыкт 16.