Ватыкан. "Божыі слугі - ікона Хрыстова" - так называецца сустрэча пасля абеду святароў
з цэлага свету на завершанне свайго Года.
У аўдынцыяльнай залі імя Папы Паўла 6-га святыя айцы каталіцкае Царквы пачулі прывітанне
Дзяржсакратара Ватыкану кардынала Тарчізіо Бертоне, выслухалі кароткія сведчанні жыццёвага
выбару служэння Богу і бліжняму не толькі ад сталых святароў, але і семінарыстаў розных
кантынентаў. Удзельнікі былі спалучаныя праз відэа-сродкі з усімі кантынентамі планеты.
"Пакліканыя любоўю" - так вызначана тэматыка прыпамінання аб тых святарах, што аддалі
жыццё за веру ў нашыя дні. Напрыклад, пра сваіх сяброў-студэнтаў што загінулі ў Бурундзі
летась, расказалі выжыўшыя пасля нападу на малую семінарыю ў Бута іхныя тагачасныя
калегі, якія прынялі рукапалажэнне і выбралі нялёгкі шлях місійнай святарскай працы
ў Афрыцы. Аб задачы абароны сям'і і дзяцінства ў паст-камуністычных краінах як
з боку святароў, так і свецкіх - усіх разам расказалі прадстаўнікі Венгрыі і Сербіі,
аб дапамозе царкоўных структур людзям, залежным ад накотыкаў і алкаголю - прадстаўнікі
Італіі, Германіі і Аўстраліі. Спевы, балет, чытанне паэтычных твораў аздобіла гэтую
сустрэчу надвячоркам свята святароў, якія сабраліся, каб памагчы адно аднаму лепш
выконваць сваю задачу не даць людзям забыцца на Бога і самога сабе ў свеце найноўшых
тэхналогій, што пагражаюць жыццю на планеце.Напрыканцы сустрэчы, што заклікала кожнага
святара і свецкага католіка не забывацца аб місіі быць прарокам ў сучасным свеце,
завершылася літаральна зараз цэлебрацыя старажытнага рыту Вячэрні з агульнай малітвай
і Блаславенствам.