Bashkimi Evropian të mbrojë më mirë fëmijët emigrantë, që lëvizin vetëm.
(08.06.2010 RV)Sipas një raporti të fundit të organizatës “Human Rights Watch”
(Hjumën Rajts Uoç), e cila mbron të drejtat e fëmijëve, masat e sapomarra nga Këshilli
për Drejtësinë dhe Punët e Brendshme në Bashkimin Evropian, që kanë të bëjnë me fëmijët
emigrantë të pashoqëruar, janë përqëndruar tepër në mënyrën e kthimit në atdhe, më
shumë se në garancitë për mbrojtjen e tyre. “Para se të kthehen fëmijë të brishtë
ne vende si Afganistani, qeveritë e Bashkimit Evropian duhet të jenë të sigurta se
veprojnë në interesin e të miturve”, lexohet në deklaratën e organizatës. Megjithëse
duke lavdëruar anët pozitive të masave, Human Rights Watch vë në dukje se mungon garancia
e tutorëve dhe e avokatëve për këta fëmijë, prandaj kthimi i tyre mbrapsht ka rrezik
të bëhet pa respektuar detyrimet ndërkombëtare. Komisioni Evropian i është përgjigjur
kritikës së organizatës dhe po punon për gjetjen e zgjidhjeve, Përveç kësaj, Konventa
e OKB-së për të Drejtat e Fëmijëve, Konventa Evropiane për të Drejtat e Njeriut dhe
Karta Themelore e të Drejtave të Bashkimit Evropian kërkojnë vëmendje të veçantë për
fëmijët e ndarë nga familjet, duke ndaluar kthimin në vende, ku mirëqenia dhe mbrojtja
e tyre mund të jenë në rrezik.