Працягваецца Апостальскае падарожжа Папы на Кіпр: сустрэча з цывільнымі ўладамі Кіпра
і Дыпламатычным корусам
Субота 5-га чэрвеня была другім днём візіту Святога Айца на гэты востраў. Раніцай
Папа зрабіў візіт ветлівасці Прэзыдэнту краіны спадару Дэмэтрысу Хрыстоф”ясу ў Прэзыдэцкім
палацы ў Нікозіі. Затым адбылая сустрэча з цывільнымі ўладамі Кіпра ды з дыпламатычным
Корпусам. У сваёй прамове Папа ўспамінаючы першага Прэзідэнта Рэспублікі Кіпр архіяпіскапа
Макарыёса ўказаў, што падобным чынам як ён, кожны з іх у сваёй грамадскай службе “мусіць
быць заангажаваным у служэнні на карысць дабра ў грамадстве, як на мясцовым узроўні
так нацыянальным і міжнародным”. Гэта высакароднае пакліканне, якое цэніцца Царквой.
Дзяржаўная служба, калі выконваецца верна, дазваляе нам узрастаць у мудрасці, сумленнасці
і самарэалізацыі,- патлумачыў Папа. Далей Святы Айцец заклікаў палітыкаў і дыпламатаў
да будавання адносінаў з іншымі людзьмі, заснаваных на праўдзе, сумленнасці і павазе.
У краінах з няўстойлівай палітычнай сітуацыяй, такія сумленныя, адкрытыя асабістыя
адносіны, могуць стаць пачаткам значна большага дабра для ўсяго грамадства і дзяржавы.
“Дазвольце, што заахвочу вас ўсіх тут сёння прысутных, каб вы выкарыстоўвалі дадзеныя
вам магчымасці для стварання такіх вышэй згаданых адносін, і такім чынам узмацнялі
б дабро ўсіх народаў і сапраўднае дабро тых, каго прадстаўляеце”,- сказаў Бэнэдыкт
16. Але, што гэта азначае ў практычным плане паважаць і заахвочваць да маральнае
праўды ў свеце палітыкі і дыпламатыі на нацыянальным і міжнародным узроўнях?,- запытаўся
Папа. Першы з іх гэта адказнае дзеянне, на аснове ведаў, якія прытрымліваюцца фактаў
Другі спосаб павышання маральнай праўды заключаецца ў “разбурэнні палітычных ідэалогій,
якія маглі б замяніць праўду”. Трагічныя падзеі 20-га стагоддзя паказалі нечалавечнасць,
што вынікала з падаўлення праўды і годнасці чалавека. Нават у нашыя дні мы з”яўляемся
сведкамі спробаў павышання псеўдавартасцяў пад выглядам міру, развіцця і правоў чалавка.-
падкрэсьліў Бэнэдыкт 16 Трэцім спосабам павышання маральнае праўды ў грамадскім
жыцці гэта стваранне пазітыўнага натуральнага права на этычных прынцыпах. Калі мы
падтрымліваем палітыку, якая ажыццяўляецца ў адпаведнасці з натуральным правам, то
нашыя дзеянні стаюцца больш апраўданымі і вядуць да атмасфэры ўзаемазразумення, міру
і справядлівасці,- завершыў сваю прамову Святы Айцец.