(02.06.2010 RV)Filloi sot në Edinburg të Skocisë takimi ekumenik, që përkujton
100-vjetorin e Konferencës së parë misionare botërore, e cila u zhvillua po këtu.
Krerët e konfesioneve të ndryshme të krishtera janë mbledhur nga dita e sotme deri
më 6 qershor, për të reflektuar mbi përgjigjen, që i jep njeriu misionit të besuar
nga Zoti. Kësaj radhe, në konferencë përfshihen njëkohësisht edhe takime në vende
të tjera të botës, si në Budapest të Hungarisë, në Kejptaun të Afrikës së Jugut e
në Patna të Indisë.