Jezuitët: të rënda, pasojat e mbajtjes në Qendrat evropiane për emigrantët
(28.05.2010 RV)Shërbimi i Jezuitëve për Refugjatët ka kryer një studim në 23
vende të Bashkimit Evropian për të verifikuar pasojat e mbajtjes së emigrantëve në
Qendrat evropiane për ta. Rezultatet, që vënë në dukje sidomos gjendjen e keqe të
grave e të fëmijëve, do të paraqitet më 8 qershor në Bruksel. Titulli i studimit është
“Bëhemi të brishtë gjatë burgosjes”. Për 18 muaj me radhë janë analizuar, në nivelin
psikologjik dhe shëndetësor, pasojat e privimit të lirisë mbi jetën e atyre, që kërkojnë
strehim politik dhe të emigrantëve të mbyllur në Qendrat e caktuara për ta, në të
gjithë territorin e Bashkimit Evropian. Rezultatet tregojnë se “vajzat, fëmijët dhe
personat e mbajtur për më shumë se tre muaj në këto qendra, vuajnë nga forma të rënda
stresi, ankthi, depresioni, pagjumësie dhe bien në peshë”.