Ակնարկ Մը Ազգային Ու Միջազգային Դէպքերուն։ ՀՀ նախագահ Ս.Սարգսեանը Կը Տեսակցի
ՆԱԹՕ-ի գլխաւոր քարտուղար Ա.Ֆոգ Ռազմուզենի հետ ։ ՀՀ նախագահ Սերժ Սարգսե անը Պելկիայի
Թագաւորութիւն կատարած աշխատանքային այցի ծիրէն ներս յսօր հանդիպած է ՆԱԹՕ-ի գլխաւոր
քարտուղար Անտերս Ֆոգ Ռազմուզենի հետ: Քննարկուած են Հայաստան-ՆԱԹՕ համագործակցութեան
առնչուղ եւ փոխադարձ հետաքրքրութիւն ներկայացնող այլ հարցեր: Վերջին տասնամեակին զգալի
առաջընթաց արձանագրած են Հայաստան-ՆԱԹՕ յարաբերութիւնները, ապահովելով գործօն երկխոսութիւն
ռազմա-քաղաքական ոլորտէ ներս ։Յատկապէս նպաստաւոր կը համարուի Անհատական գործընկերութեան
գործողութիւններու ծրագրի իրականացումը, Հայաստանի մէջ ՆԱԹՕ-ի զորավարժութիւններու անցկացումը
եւ Հայաստանի ընդլայնուող մասնակցութիւնը ՆԱԹՕ-ի միջազգային խաղաղապահ գործողութիւններուն։
ՀՀ նախագահը ըսած է որ Հայաստանը հետեւողականօրեն կը շարունակէ փոխ-գործակցութիւնը
ՆԱԹՕ-ի դաշնակիցներու եւ գործընկեր պետութիւններու հետ համագործակցութեան օրակարգի
մէջ ներառնուած բնագավառներով ինչպէս ՝ միջազգային ահաբեկչութեան դեմ պայքարը, սահմաններու
պաշտպանութիւնն ու կառավարումը, խաղաղապահ առաքելութիւնը եւ այլք: Նախագահ Ս.Սարգսեան
ընդգծած է ՀՀ զինեալ ուժերու կողմէ իրականացուող բարեփոխումներու գործին Դաշինքի կողմէ
ցուցաբերուող օժանդակութեան արդիւնաբերութիւնը : Զրուցակիցները մտքեր փոխանակած են Լեռնային
Ղարաբաղի հիմնախնդրի խաղաղ կարգաւորման գործընթացի ներկայ փուլի շուրջ, նաեւ խօսած՝
Հայաստան-Թուրքիա յարաբերութիւններու կարգաւորման կասեցուած գործընթացի մասին: ՀՀ նախագահը
նշած է որ նախապայմաններ թելադրելով եւ պայմանաւորուած ժամկետերը խախտելով` Թուրքիան
վատնած է իր` որպէս բանակցային գործընկերոջ վստահութեան պաշարը: 16 Ռուսեր Արկածի
Զոհ՝ Թուրքիոյ Մէջ։ ԱՆԹԱԼԻԱ- Երեքշաբթի, Մայիս 25ին, Անթալիոյ մէջ զբօսաշրջային
փոխադրակառքի արկածի մը հետեւանքով մահացած են 16 ռուս զբօսաշրջիկներ, իսկ 25 ուրիշներ՝
վիրաւորուած: Ըստ ոստիկանութեան, վարորդը ղեկին վրայ քնացած է. իբրեւ հետեւանք, փոխադրակառքը
15 մեթր բարձրութեամբ կամուրջէ մը Աքսու գետը ինկած է: Երգիչ Եւ Երգահան Լեւոն Գաթրճեան
Արցախ Կ՛երթայ ։ ԼՈՍ ԱՆՃԵԼԸՍ- Լեռնային Ղարաբաղի մշակոյթի նախարարութեան հրաւէրով,
աշուղական երգերու յայտնի մեկնաբան, իր կարգին բազմաթիւ երգերու հեղինակ Լեւոն Գաթրճեան
Մայիս 30ին կը մեկնի Արցախ, ուր ան ելոյթներ պիտի ունենայ հանրապետութեան տարբեր շրջաններու
մէջ: Գաթրճեանին պիտի ընկերանայ երիտասարդ արուեստագէտ, երաժիշտ Յովիկ Գարոյեան: Գաթրճեանի
արցախեան հիւրախաղերուն, երգիչին պիտի ընկերանան «Սայեաթ Նովա» աշուղական երգերու խումբը:
Նշենք, որ Գաթրճեան, Յունիս 22ին, հեղինակային համերգով հանդէս պիտի գայ Երեւանի Ֆիլմհարմոնիքի
սրահին մէջ: