Sot 23 maje e diel,Kisha kremtoi festën e solemnitetit të Rrëshajëve,
pra kremoti ditëlindjen e saj. Po sot më 23 maj, kalendari Kishtar përjkujton edhe
Shën Gjon Batista de Rosi, meshtar romak. Po kujtojmë se në festën e Rrëshajëve,
Kisha na thërret të gjithëve, pavarësisht nga gjenia, raca, mosha apo kushtet shoqërore,
të jetojmë si bijë të Shpirtit Shenjt Zot duke ndihmuar e dashur të afërmin, sepse
kështu dëshmojmë fuqinë që ka Shpirti Shenjt Zot për të përhapur hirin dhe dashurinë
e Zotit për të gjithë njerëzit. Këndej secili prej nesh është i thirrur ta mësojë
artin endjes së dashurisë e të mëshirës hyjnore, art që merr një kuptim të posaçëm
në solemnitetin e Rrëshajëve. Nesër e hënë, më 24 maj kalendari Kishtar
kremton festën e Zojës së Bekuar Ndihmëtare. Liturgjia na kujton Pasinë e së Lumes
Mari Virgjër te Shën Elizabeta, nga e cila lind ‘Magnificat’, kënga e cila madhëron
të Gjithëpushtetshmin për punët e mëdha që kryen në jetën e bijve të vet. Festa
e Shën Gegës VII, papë, e Shën Bedës Venerabile, meshtar benediktin e doktor i Kishës
dhe e Shën Maria Madalena de Pacit, që Kisha do t’i përkujtojë të martën më 25
maj, na kujton se mbretëria e Zotit shtrihet në botën mbarë. Përveçse duke
ndjekur Zotin, dishepulli i vërtetë e dëshmon të Kryqëzuarin–e- Ngjallur duke i lidhur
ngushtë fjalët me veprat. Meriton kështu epitetin ‘njeri i drejtë’ dhe premtimin për
të kundruar fytyrën e Zotit në amshim. Këtë na kujton festa e Shën Filip Nerit, meshtar,
themelues i Kongregatës të Priftërinjve të Oratorit, që do të kremtohet të mërkurën
e ardhshme më 26 maj. Të enjten më 27 maj kalendari Kishtar përkujton
Shën Agostinin, kryeipeshkëv i Kanterbërit. Liturgjia e ditës na kujton se feja e
besimtarëve rritet në bashkim të ngushtë me transmetimin e pandërprerë të Fjalës së
Krishtit të Ngjallur nga ana e Kishës. Të premten që vjen më 28 maj, do
të kremtohet festa e Shën Gjermanit, ipeshkëv i Parisit dhe e Shën Vilit. Përmes liturgjisë
së ditës Jezusi na kërkon t’i pastrojmë zemrat, për të zhdukur prej tyre çdo gjë që
na pengon në ecjen drejt Tij. Duke u çliruar nga barrët e panevojshme, mund t’i lartojmë
më lehtësisht sytë drejt qiellit e ta ndjejmë veten shumë më të lirë. Liturgjia
e së shtunës më 29 maj na fton të lutemi: “Na e mëso, o Zot, rrugën e jetës”.
Është festa e Shën Ursula Ledohovskajas, themeluese e Orsolineve të Krishtit në agoni,
që na kujton se ndjekja e Zotit përjashton çdo kompromis. Në se pranon ta ndjekësh
Krishtin, duhet të heqësh dorë nga gjithçka tjetër. E atëherë do të vërejmë me gëzim
se që në këtë jetë realiteti ynë nis të ndryshojë e zemra nis të na rrahë me ritmin
e Zemrës së Zotit. Të dielën e ardhshme më 30 maj, Kisha kremton festën
e Trinisë Shenjte. Gjithnjë këtë të diele më 30 maj kalendari Kishtar kujton edhe
Shën Ferdinandi, mbret i Kastiljes e Shën Zhanë d’Ark, virgjër. Festa e sotme na
thërret jemi bashkësi dashurie e jete sepse Zoti nuk është vetmi e pafund, por “bashkim
drite e dashurie: këtë na kujton misteri i Njënisë dhe eTrinisë së Tënzot. Hyji është
jetë e dhuruar dhe e marrë në një dialog të amshuar ndërmjet Atit e Birit, në Shpirtin
Shenjt – i Dashuruar, i Dashur e Dashuri, siç shprehet Shën Agostin.