ሕዝባዊ መረጻ ኣብ ኮንጎን ርዋንዳን ብሩንዲን

ናይ ዴሞክራሲያዊት ሬፓብሊክ ኮንጎን ብሩንዲን ርዋንዳን ኣብ ክቡር ዋጋ ሕይወት ዘማእከለን ናይ ሕይወት ባህሊ ዝኽተል ናብራን ኣመሓዳድራን ፖልቲካዊ ኣመራርሓን ክረጋገጽ ከይተሓለሉ ብሙያኦም ኣገልግሎት ዘቕርቡ ክቶሊካውያን ጋዜጠይናታት፣ ብዝሓለፈ ዕለት 12 ግንቦት 2010 ዓ.ም. ኣብተን ዝተጠቕሳ ሃገራት ኣፍሪቃ ዝካየድ ሕዝባዊ ምርጫ ናብ ሰላም ዝመርሕ መታን ክኸውን ኵለን ሃይማኖታት ሰላም መታን ክረጋገጽን ናይ ሓሶትን ምትላልን ባህልን ዓመጽን ምግምማዕን ክቃወማ ኣብ ጎማ ናይ ማእከላይ ኣፍሪቃ ናይ ካቶሊክ መራኸቢ ቡዝሃን ጋዜጠይናታት ኅብረት ማኅበር ኣብ ዘካየዶ ሓፈሻዊ ጉባኤ ጻውዒት ከምዘቕረበ ፊደስ ናይ ዜና ኣገልግሎት ሓቢሩ።

እቲ ናይ ካቶሊክ መራኸቢ ብዙሃንን ፖሊቲካን ኣብ ማእከላይ ኣፍሪቃ ብዝብል ኣርእስቲ ተመሪሑ ዝተኻየደ ጉባኤ ብመሥዋዕተ ቅዳሴ ዘጀመሩ ናይ ማእከላይ ኣፍሪቃ ብፁዓን ጳጳሳት ቤት ምኽሪ ኅብረት ዋና ጸሓፊ ክቡር ኣባ ሜልክዮ ኤድዋርድ ሞምቢሊ ከምዝኾኑ ፊደስ ናይ ዜና ኣገልግሎት ብምምልካት፣ ኣብ ዘስምዕዎ ስብከት ኣብዚ ከባቢ ዓበትይቲ ቐላይ ዝርኤ ዘሎ ዘይሕጋዊ ምዝመዛ ሃብቲ ተፈጥሮን ዘስዕቦ ዘሎ ውጥረት ብምምልካት ናይ ካቶሊክ መራኸቢ ብዝሃን ብናይ ቤተ ክርስትያን ማኅበራዊ ትምህርቲ መሠረት ሕዝቢ ክሓንጻን ኣብ ሩዋንዳን ብሩንዲን ዴሞክራሲያዊት ሬፓብሊክ ኮንጎን ዝካየዱ ሕዝባዊ መረጻታት ኣብ ሓቂ ዝቖመን ድላይ ሕዝቢ ዘረጋገጽን ንሰላም ዘተባብዕ ክኸውን ካቶሊካውያን ጋዜጠይናታት ኣብቲ ዘካየድዎ ኣኼባ ጻውዒት ከምዘቕረቡ ፊደስ ናይ ዜና ኣገልግሎት ሓቢሩ።