Dallga e zezë, nafta tani kërcënon brigjet e Floridës
(18.5.2010 RV)Nafta e derdhur në Gjirin e Meksikës. Përpjekje e re për bllokimin
e derdhjes në oqean. Tubi i futur nga British Petroleum për marrjen e naftës që po
derdhet në Gjirin e Meksikës do të arrijë të thithë deri në dy mijë fuçi në ditë.
Sipas shoqërisë naftënxjerrëse kjo përpjekje e re për t’i zvogëluar dëmet që po
i sjell ekosistemit derdhja e naftës në det nga shkatërrimi i platformës Deepwater
Horizon, synon të mbledhë afro 40% të naftës së derdhur. Në ditët në vazhdim do
të ketë përpjekje të reja për bllokimin e valvulës së sigurisë me një lëndë kimike
ose me mbeturina të ngurta për të bllokuar daljen e naftës. Ndërkaq brenda fundit
të muajit pritet dorëheqja e përgjegjësit të agjencisë qeveritare të SHBA që drejton
programin e shpimeve naftënxjerrëse në det.