"Бласлаўлёны той, хто прыходзіць ў імя Пана"- працяг
Паважаныя cлухачы мы працягваем чытаньне кнігі cьвятара Варшаўcкай Тэалагічнай Акадэміі
і cьвятара Яна Лаха, пад назвай “Блаcлаўлёны, хто прыходзіць у імя Панcкае”. Аўтар
гэтай кнігі‚ праcочвае развіцьцё меcыянкай ідэі ад чаcоў Цара Давіда да першахрыcьціянкай
эпохі, разглядae некаторыя значныя тэкcты Старога і Новага Запаветаў, прадказваючыя
меcіянcтва Езуcа Хрыcта‚ такія, напрыклад, як прароцтва прарока Натана ў 2 кнізе Самуэля.
Cёньня мы працягваем чытаць cтаронкі другой главы гэтай кнігі пад назвай “Адрынуты
наcтаўнік””, дзе аўтар дзе аўтар разважае над эвангельскім апiсаньнем урачыстага
ўезду Езуса ў Ерузалiм.
У 8 вершы апісаньня ўрачыстага ўезду ў Ерузалім эвангелістам
Маркам гаворыцца аб расьціланьні на шляху Езуса вопраткі і зрэзанага з дрэваў вецьця
– у гэбрайскай традыцыі гэта азначала праяву ўшанаваньня Езуса і падпарадкаваньня
яму. Кіданьне пад ногі Езусу зрэзаных з дрэў галінаў вельмі праўдападобна, паколькі
існаваньне такога звычая пацьвярджаюць па-за біблейскія крыніцы. Некаторыя дасьледчыкі
тлумачаць гэта таксама тым, што ўезд Езуса ў Ерузалім магчыма адбыўся на Сьвята Кучак,
калі па звычаю прыносіліся букеты з пальмавых галінаў . Верш 9 узгадвае аб асобах
якія папярэджвалі і спадарожнічалі Езусу: “І тыя, што йшлi перад iм і за iм крычэлi,
мовячы: ”Асанна! Бласлаўлёны, хто прыходзiць у iмя Пана! Бласлаўлена валадарства Айца
нашага Давiда, якое прыходзіць ў iмя Пана! Асанна на вышынях!” З гэтага апісаньне,
можна заключыць, што гаворка ідзе аб натоўпе, аб мностве людзей, якія йшлі перад
Езусам і за ім. Нават калі з апавяданьня аб падрыхтоўцы да ўваходу не вынікае прысутнасьць
пры гэтым вялікай колькасьці сьведкаў, нельга забываць, што эвангеліста Марк паведамлляе,
што Езус выйшаў з Ерыхону ў суправаджэньні вучняў і мноства народа. Вершы 9-10
паказальныя ў тых адносінах , што менавіта ў іх зьмяшчаюцца звароты да Езуса як да
Месіі: “”Асанна! Бласлаўлёны, хто прыходзiць у iмя Пана! Бласлаўлена валадарства Айца
нашага Давiда, якое йдзе ў iмя Пана ! Асанна на вышынi!”. Першы з іх - гэта “Асанна”,
якое ў перакладзе з гэбрайскай мовы азначае - «Уратуй жа!». Гаворка ідзе аб ускліканьні,
зьвернутым да Бога, і яно мела мноства адценьняў у Старым Запавеце ў залежнасьці
ад кантэксту. У Кнізе Валадарстваў, напрыклад, гэтае ўскліканьне зьяўляецца крыкам
аб дапамозе, зьвернутым да чаканага Валадара. Нават калі этымалагічна зварот да Бога
«уратуй жа!» сьведчыў аб выкарыстаньні яго ў пэўнай небясьпецы, аднак, ужо ў старазапаветнай
традыцыі ён ужываўся, таксама, як літургічнае прывітаньне, каб выказаць пачуцьці ўрачыстасьці
і радасьці. Месіянскае значэньне мае і грэцкае слова слова «Ерхоменос», якое
перакладаецца “хто прыходзіць у імя Пана”. У грэцкім варыянце яно выступае ў ролі
назоўніка і мае на ўвазе «эсхаталагічнага вандроўніка» - Збавіцеля. Трэба адзначыць,
што Ян Хрысьціцель таксама ўжывае яго для вызначэньня чаканага Месіі. Месіянскі
характар маюць таксама словаспалучэньні бласлаўленьня, адрасаваныя Езусу: «Бласлаўлёны,
хто прыходзіць у імя Пана! Бласлаўлёна валадарства Айца нашага Давіда»! Гэтыя
ўскліканьні сягаюць самых глыбіняў прароцтва Натана, якое, многія стагодзьдзі заставалася
надзённым, і нарэшце, напрыканцы старазапаветнай эпохі, набыла форму чаканьня эсхаталагічнага
Месіі. «Бласлаўлёны, хто прыходзіць у імя Панскае» - ускліканьне, вядомае з 118
Псальма. Гэтыя словы ўжываліся даволі часта, бо служылі літургічным прывітаньнем.
Яны, таксама, маглі быць рэфрэнам, што паўтараўся натоўпам, які йшоў за Езусам у Ерузалім.
Гэтыя словы, у 118 псальме выказвалі радасьць пелігрымаў у момант прыбыцьця ў Ерузалім
і ў Ерузалімскую сьвятыню, іх радасьць быць каля Пана. Таму яны аднесены да прышэсьця
Езуса. Таму, таксама, ужываецца слова Асанна. І таму ўся сцэна ўезду Езуса ў Ерузалім
мае месіянска-эсхаталагічнае гучаньне. Трэба заўважыць, што юдэйская традыцыя
адносіла псальм 118 да асобы цара Давіда, што, без сумніву, было вядома як Езусу,
гэтак яго сучаснікам. Таму няма нічога дзіўнага ў тым, што першахрысьціяне асацыявалі
ўрачыстае яўленьне «другога Давіда» з Аліўнай гары менавіта са словамі дадзенага псальма,
якія зьяўляюцца найбольш поўным выразам традыцыі чаканьня эсхаталагічнага Збаўцы.
Шаноўныя cлухачы, вы cлухаеце cтаронкі з кнігі польcкага бібліcты і тэолага
Яна Лаха‚ пад назвай “Блаcлаўлёны, хто прыходзіць у імя Панcкае”. У нашай наcтупнай
перадачы праз тыдзень мы працягнем чытаньне наcтупных разьдзелаў з гэтай кнігі.