(11.05.2010 RV)Terreiro do Paço (Sheshi i Pallatit) është emri “historik” i
Sheshit aktual të Tregtisë, që i referohet pallatit mbretëror, shkatërruar në vitin
1775. Në atë vit, një tërmet i fuqishëm, i shoqëruar nga cunami dhe zjarri, shkatërroi
pjesën më të madhe të Lisbonës, duke përfshirë Pallatin Ribeira dhe ndërtime të tjera
përgjatë lumit. Sheshi dhe Baixa u rimodeluan krejtësisht në një vepër madhështore
urbanistike, ndërsa Pallati Mbretëror nuk u rindërtua më. Më 1 shkurt 1908, sheshi
qe teatër i vrasjes së mbretit të parafundit të Portugalisë, Karlit I. Dy vjet më
vonë, monarkia u rrëzua dhe lindi kështu Republika Portugeze. Podiumi për kremtimin
e Meshës së Papës është ngritur në sheshin anash lumit dhe ka si sfod në bregun tjetër,
Shenjtëroren e “Cristo Rei di Almada”.