Në Tiranë vazhdon greva e urisë. Rrezikohet integrimi në BE. Presidenti Topi përpiqet
për dialog.
(11.05.2010 RV)Greva e urisë e dyqind deputetëve dhe simpatizantëve socialistë,
përballë kryeministrisë, në Tiranë, hyri në ditën e 11-të. Deri tani 20 grevistë janë
dërguar në spital në gjendje të rënduar shëndetësore. Ndërkaq presidenti Bamir
Topi nisi konsultimet me ambasadorin amerikan Uidhers dhe atë spanjoll Montobio për
zgjidhjen e krizës, pikërisht sot, që mbahet edhe takimi Shqipëri-BE nga i cili varet
integrimi i vendit. Nga ana tjetër, po sot, 126 intelektualë i dërguan një letër të
hapur udhëheqësit të opozitës Edi Rama, ku ndërmjet të tjerash theksohet se më në
fund, pas gjashtëqind vjetësh, Shqipëria po i afrohet shtëpisë së vet të natyrshme,
Evropës, por se pikërisht ai, po bëhet pengesë për integrimin e shumëpritur në BE.