Në lutjen “Mbretëreshës Qiellore” Benedikti XVI kërkoi uratë për shtegtimin e tij
në Portugali dhe bekoi Kongresin Eukaristik në Brazil.
(09.05.2010 RV)Ftesa për lutje, në prag të shtegtimit apostolik në Lisbonë
e në Fatima, përshëndetja e përzemërt drejtuar pjesëmarrësve të Kongresit të ardhshëm
Eukaristik të Brazilit dhe ftesa për ta mbajtur lart cilësinë e mësimit në shkollat
katolike, ishin temat kryesore, që preku sot në mesditë Benedikti XVI. Para e
pas lutjes, drejtuar Mbretëreshës Qiellore, në Sheshin e Shën Pjetrit, duke kujtuar
muajin e majit, Papa i kushtoi një mendim shpirtëror Marisë që – theksoi – i dhuroi
botës një pranverë të re.