З 11 да 14 мая 2010 года пройдзе ХV Апостальскае падарожжа Папы Бенедыкта 16-га па-за
межы Італіі - ў Партугалію.
У 1917 года Найсвятая Багародзіца з'явілася 3-м пастушкам блізка мясцовасці Фаціма
ў цэнтральнай Партугаліі. З нагоды 10-годдзя беатыфікацыі двух сведкаў цуда - Жачінты
і Франсіска (яны хутка памёрлі, а трэцяя дзяўчынка Люсія сталася законніцай, яна таксама
чула словы аб залежнасці гісторыі чалавецтва ад выбараў Расіі ў 17 годзе) гэтую краіну
наведае Свяцейшы Айцец. Свяцейшы Айцец адправіцца з рымскага міжнароднага аэрапорта
Фюмічіно раніцою 11 мая і перад паўднём прыбудзе ў Лісабонскі міжнародны аэрапорт
Портела, дзе адбудзецца афіцыйная сустрэча. Цырымонія прывітанняў пройдзе ў манастыры
айцоў - еранімітаў. Потым Бенедыкт XVI зробіць візіт ветлівасці да прэзідэнта Партугаліі
Ганібала Каваку Сільві ў Віфліемскі Палац. Гэта – афіцыйная рэзідэнцыя кіраўніка
дзяржавы. Увечары Свяцейшы Айцец узначаліць святую Імшу на сталічнай плошчы ля галоўнай
базілікі. 12 мая раніцай адбудзецца сустрэча Папы з дзеячамі нацыянальнай культуры,
якая пройдзе ў Бетлеемскім культурным цэнтры Лісабона. Апоўдні, у памяшканні Апостальскай
нунцыятуры, Бенедыкт XVI сустрэнецца з прэм'ер-міністрам Партугаліі Жозе Сократэшам.
Увечары Свяцейшы Айцец паляціць верталётам у Фаціму, дзе наведае капліцу, пабудаваную
на месцы з'яўленняў Найсвятой Багародзіцы. Пазней у храме Найсвяцейшай Тройцы адслужыць
Вячэрню разам са святарамі, дзе будуць маліцца разам законныя асобы, семінарысты
і вернікі. А ў 21:30 блаславіць факельнае шэсце моладзі на плошчы Фацімскага санктуарыя
і распачне начное чуванне ў капліцы з малітваю на Ружанцы . Раніцай 13 мая
Бенедыкт XVI ўзначаліць Боскую Службу на плошчы Фацімскага санктуарыя, а пасля паўдня,
у храме Найсвяцейшай Тройцы, сустрэнецца з прадстаўнікамі арганізацый, якія займаюцца
сацыяльным душпастырствам. Пасля ў канфярэнц-залі дома Маці Божай Кармелітанскай
сустрэнецца з Партугальскай біскупскай Канфярэнцыяй. У апошні дзень візіту 14 мая
Свяцейшы Айцец наведае горад Порта, дзе раніцай адцэлебруе Еўхарыстычнае набажэнства
пад адкрытым небам. Перад абедам у мясцовым міжнародным аэрапорце адбудзецца афіцыйная
цырымонія развітання. Вылет вяртання ў Рым запланаваны на 14 гадзін.
Сайт " www.catholic.by " публікуе каментар. «Візіт Бэнэдыкта XVI у Фаціму будзе
вяртаннем Святога Айца да месца, дзе здзейсніліся здарэнні, вывучэннем якіх ён старанна
займаўся з духоўнага і тэалагічнага пункту гледжання», — адзначыў айцец Федэрыко Ламбардзі
SI, кіраўнік Прэс-службы Апостальскай Сталіцы. Па словах прадстаўніка Ватыкана, візіт
у Партугалію будзе для Пантыфіка нагодай вярнуцца да часоў даследавання так званай
«трэцяй фацімскай таямніцы», якую сённяшні Папа вывучаў як прэфект Кангрэгацыі Веранавучaння.
У той час кардынал Ёзаф Ратцынгер, ён даследаваў з'’яўленні Маці Божай у Фаціме і
прадставіў тэалагічную дакументацыю, што тычылаcя таямніц. Зараз жа Папа наведае
Фаціму з нагоды 10-годдзя беатыфікацыі Жачінты і Францішка, двух з трох пастушкоў,
якім аб’яўлялася Панна Марыя ў перыяд з 13 мая па 13 кастрычніка 1917 году. Абое памерлі
ў дзіцячым узросце. «Трэцяя фацімская таямніца» была адкрыта перад 2 Сусветнай вайной
сястрой Люciяй свайму біскупу, які абвясціў аб змесце Папу Рымскага. Законніца Люсія
памерла 14 лютага 2005 году, мела сустрэчы з кардыналам Ратцынгерам і Папам Янам Паўлам
2-м. Паводле тагачаснага прэфекта Кангрэгацыі Веранавучaння, трэцяя таямніца гаворыць
аб ахвяры мучанікаў Касцёла ў ХХ стагоддзі, Ян Павел ІІ бачыў у ёй таксама й прадказанне
замаху на яго.