Fjalim i imzot Folo në Unesko të Parisit, me rastin e njëqindvjetorit të revistës
“Recherches de Science Religieuse”.
(05.05.2010 RV)“Një nga shprehjet më të larta të frymës krijuese kulturore
të krishterimit në Francë e në botën, që flet frëngjisht”. Kështu e quajti përfaqësuesi
i Selisë së Shenjtë pranë Unesko-s së Parisit, imzot Françesko Folo, revistën “Recherches
de Science Religieuse”(Kërkime të Shkencave Fetare) gjatë takimit, organizuar
nga agjensia e OKB-së, për të kremtuar njëqind vjetorin e botimit. Sot – vijoi prelati
– flitet për frymë krijuese, duke vënë theksin kryesisht mbi artet ose mbi aftësitë
për të krijuar gjëra të reja në gjirin e shoqërisë, por shpesh harrohet prania e të
krishterëve në botën shkencore e, posaçërisht, në atë të shkencave fetare. Në
këtë sektor - vijoi imzot Folo – revista e themeluar një shekull më parë në Paris,
nga Atë Leonçe dë Grandmezon, fitoi, gjatë dekadave të punës, merita të panumërta.
E kjo sepse – vijoi – me kërkimet e saj shkencore, ndihmoi vetë Kishën katolike dhe
anëtarët e saj të integrohen e t’i rishikojnë bindjet e tyre, në rrethanat e shndërrimeve
të mëdha kulturore, që po jetojmë, duke nënvizuar, kështu, karakteristikën themelore
të krishtërimit, si fe e mishërimit, që është ndërgjegjja historike dhe impenjimi
i saj për ardhmërinë e njerëzimit.