Vdiq kardinali Luigji Pogji 92 vjeç. Benedikti XVI : qe shembull i zellit meshtarak.
Salikimet të premten në Shën Pjetër në Vatikan.
(04.5.2010 RV)Një humbje tjetër në Kolegjin kardinalor. Sot paradite në moshën
92 vjeçare ndërroi jetë kardinali Luigji Pogji, arkivist e bibliotekar i merituar
i Kishës së Shenjtë Romake. Papa Benedikti XVI e kujtoi në një telegram
ngushllimi dërguar familjes së tij si një “ bashkëpunëtor të zellshëm”, që i shërbeu
Kishës “me kujdesin e jashtëzakonshëm meshtarak” së pari si nunc apostolik “në shumë
Shtete” e pastaj, në Vatikan, në detyrën e tij si arkivist e bibliotekar.
Salikimeve e kardinalit të ndjerë do të kremtohen të premten e ardhshme në ora 17.30,
në Bazilikën e Shën Pjetrit në Vatikan. Meshën e dritës do ta kryesojë kardinali Angjelo
Sodano, Dekan i Kolegjit kardinalor. Në mbarim të Kremtimit eukaristik, Papa do t’i
drejtojë të pranishmëve fjalën e tij e do të kryesojë ritin e Porosisë së fundit dhe
Përshëndetjen. Po kujtojmë se me humbjen e kardinalit Luigji Pogji, Kolegji
kardinalor i Kishës Romake tani përbëhet nga 179 kardinaj, prej të cilëve 108 me të
drejtën vote e 71 pa të drejtë vote.