Greenpeace: shumë gënjeshtra këto ditë në lidhje me katastrofën e naftës në Luizianë.
(04.05.2010 RV)Sot u bë i njohur dokumenti i Greenpeace “Horizonti i zi” ku
shpjegohet me gjashtë pyetje e gjashtë përgjigje se çfarë po ndodh me të vërtetë pas
katastrofës me naftën në Luizianë. Greenpeace denoncon se “pas shumë premtimesh për
ekonomi të gjelbër, në fillim të prillit 2010, presidenti Obama autorizoi shpime të
tjera për nxjerrjen e naftës në det, një haraç ky paguar lobeve të naftës për të miratuar
një të ashtuquajtur “Ligj për klimën” që do t’i reduktojë gazrat amerikane në atmosferë
vetëm me 4%”. Në këtë dokument theksohet se nuk është e vërtetë, siç po thuhet këto
ditë, se katastrofa të tilla nuk kanë ndodhur kurrë më parë, se pajisjet teknike që
përdoreshin aty ishin tepër të përparuara dhe se nafta që derdhet në det, në të vërtetë,
e kalon shumë më tepër sasinë që ka deklaruar zyrtarisht British Petroleum. Nga ana
e vet British Petroleum njoftoi se po shpon në Gjirin e Meksikës një pus 3.965 metra
të thellë për të kufizuar dëmet e shkaktuara nga nafta e derdhur në det.