З Хрыстом усё магчыма-- сустрэча Святога Айца з моладдзю
Яшчэ ў нядзелю 2-га травеня, пасля абеду, Бэнэдыкт 16 сустрэўся на Плошчы Святога
Кароля ў Турыне з моладдзю У сваім разважанні Папа спаслаўся да сустрэчы Хрыста
з багатым юнаком, які звярнуўся да Яго з пытаннем: “Што я маю зрабіць, каб асягнуць
жыццё вечнае”. Гаворачы аб багаццях, якія меў малады чалавек з Евангелля, Святы
Айцец падкрэсліў, што сапраўдным скарбам з”яўляецца любоў. Любові трэба, аднак,
навучыцца ад Хрыста, ў вачах Якога мы адкрываем, што Бог нас любіць і хоча быць побач
нас. “У сустрэчы з Хрыстом і ва ўзаемнай любові мы зазнаем жыцця самога Бога,-
сказаў Пантыфік да моладзі,- Чалавека, істоту смяротную і абмежаваную, не можа сустрэць
нічога большага чым удзел у Боскім жыцці любові. Сённяшні культурны кантэкст не спрыяе
аднак глыбокім і шчырым міжчалавечым адносінам, але, наадварот, схіляе да закрыцця
ў самым сабе, ў індывідуалізме, і дазваляе, каб валадарыў над намі прысутны у нас
эгаізм. Аднак жа сэрца маладога чалавека са сваёй натуры ёсць уражлівае на сапраўдную
любоў. Такім чынам я з вялікім даверам звяртаюся да вас ,- сказаў Папа да моладзі,-і
гавару вам: што гэта не так проста змяніць сваё жыццё ў нешта прыгожае і вялікае.
Гэта вельмі цяжка, але з Хрыстом ўсё магчыма”. На заканчэнне Папа нагадаў маладым
людзям бласлаўлёнага Перджорджо Фрассаті, які таксама паходзіў з іхняга гораду. “Жыць,
а не гібець”- гаварыў ваш Нябесны заступнік. Так як ён, мейце адвагу выбраць у вашым
жыцці тое, што істотнае”,- звярнуўся Папа да моладзі.